ಚುನಾವಣಾ ಪ್ರಚಾರದ ವೇಳೆ ಜನಸ್ತೋಮದ ನಡುವೆ ಸಚಿವ ಸೋಮಣ್ಣ ಆಯತಪ್ಪಿ ಬಿದ್ದಿದ್ದಾರೆ. ಈ ವೇಳೆ ಕಿಚ್ಚ ಸುದೀಪ್ ಕೂಡ ಅವರ ಜೊತೆಗಿದ್ದರು. ಆದರೆ ಅದೃಷ್ಟವೆಂದರೆ ಕಿಚ್ಚ ಅವರು ಸಚಿವ ಸೋಮಣ್ಣ ಬೀಳದಂತೆ ಹಿಡಿದಿದ್ದಾರೆ. ಹೀಗಾಗಿ ದೊಡ್ಡ ಅವಾಂತರ ತಪ್ಪಿ ಹೋಗಿದೆ.
ಏನಿದು ಘಟನೆ?
ಚಾಮರಾಜ ನಗರದ ಸಂತೆ ಮಾರನಹಳ್ಳಿಯಲ್ಲಿ ಈ ಘಟನೆ ನಡಿದಿದೆ. ಬಿಜೆಪಿ ಪ್ರಚಾರ ವೇಳೆ, ತುಂಬಿರುವ ಜನಸ್ತೋಮದ ನಡುವೆ ಅದ್ಧೂರಿ ಪ್ರಚಾರ ಏರ್ಪಡಿಸಲಾಗಿತ್ತು. ಈ ವೇಳೆ ವಾಹನ ವೇಲೆ ನಿಂತು ಸಚಿವ ಸೋಮಣ್ಣ ಮತ್ತು ಕಿಚ್ಚ ಸುದೀಪ್ ಪ್ರಚಾರದಲ್ಲಿ ಬ್ಯುಸಿಯಾಗಿದ್ದರು. ಈ ವೇಳೆ ಹಿಂಬದಿಯಿಂದ ಬಂದ ಅಭಿಮಾನಿ ಕಿಚ್ಚನನನ್ನು ನೋಡಿ ವಾಹನದ ಮೇಲೆ ಹತ್ತಿ ಬರುತ್ತಾನೆ. ಈ ವೇಳೆ ಸೋಮಣ್ಣ ಅವರನ್ನು ಹಿಡಿಯುತ್ತಾನೆ. ಇದರಿಂದಾಗಿ ವ್ಯಕ್ತಿ ಮತ್ತು ಸೋಮಣ್ಣ ಆಯತಪ್ಪಿ ಬೀಳುತ್ತಾರೆ. ಆದರೆ ಕಿಚ್ಚ ಅಲ್ಲೇ ಪಕ್ಕದಲ್ಲಿ ಇದ್ದ ಕಾರಣ ಸೋಮಣ್ಣ ಅವರನ್ನು ಗಟ್ಟಿಯಾಗಿ ಹಿಡಿದಿದ್ದಾರೆ. ಆದ್ದರಿಂದ ಅವಘಡವೊಂದು ಕಿಚ್ಚನಿಂದಾಗಿ ತಪ್ಪಿ ಹೋಗಿದೆ.
