ಕಾಂತಾರ ಸಿನಿಮಾ ರಿಲೀಸ್ ಆದಾಗಿನಿಂದ ಕನ್ನಡ ಇಂಡಸ್ಟ್ರಿ ಗತ್ತು ಒಂದು ಲೆವೆಲ್ ಬದಲಾಗಿ ಹೋಗಿದೆ. ಇಡೀ ಭಾರತೀಯ ಸಿನಿಮಾ ಇಂಡಸ್ಟ್ರಿ ತಿರುಗಿ ನೋಡೋ ಹಾಗೇ ಸಿನಿಮಾ ಮಾಡಿದ ಕೀರ್ತಿ ಕಾಂತಾರ ಚಿತ್ರ ತಂಡದ್ದು. ಅಂದಹಾಗೆಯೇ ಈ ಸಿನಿಮಾ ರಿಲೀಸ್ ಆಗಿ 7 ತಿಂಗಳು ಕಳೆದ್ರು ಚಿತ್ರದ ಒಂದಲ್ಲಾ ಒಂದು ಸುದ್ದಿ ವೈರಲ್ ಆಗುತ್ತಿರುತ್ತದೆ. ಆದರೀಗ ಲೀಲಾ ತೊಟ್ಟಿರುವ ಮೂಗುತಿಯದ್ದೇ ಸುದ್ದಿ ಹರಿದಾಡುತ್ತಿದೆ. ಈ ಮೂಗುತಿಗೆ ಮಾರುಕಟ್ಟೆಯಲ್ಲಿ ಭಾರಿ ಡಿಮ್ಯಾಂಡ್ ಬಂದಿದೆಯಂತೆ!. ಈ ಕುರಿತಾದ ಇಂಟ್ರಸ್ಟಿಂಗ್ ಸ್ಟೋರಿ ಇಲ್ಲಿದೆ.
ಸಿನಿಮಾ ಅಂದ್ರೆ ಹಾಗೆಯೇ.. ಅಲ್ಲಿರುವ ಒಂದೊಂದು ಚಿತ್ರಣವು ನೋಡುಗರ ಮನಹೊಕ್ಕುತ್ತದೆ. ಅವರಲ್ಲಿ ಬದಲಾವಣೆಯನ್ನು ತರುವ ಶಕ್ತಿ ಸಿನಿಮಾಕ್ಕಿದೆ. ಅದರೀಗ ನಟಿ ಸಪ್ತಮಿ ಗೌಡ ಕಾಂತಾರದಲ್ಲಿ ತೊಟ್ಟಿರುವ ಮೂಗುತಿ ಬಹುತೇಕ ಮಹಿಳೆಯರ ಮನಕದ್ದಿದೆ. ಹೀಗಾಗಿ ಮಾರುಕಟ್ಟೆಯಲ್ಲಿ ಡಿಮ್ಯಾಂಡ್ ಸೃಷ್ಟಿಯಾಗಿದೆ.
ಕಾಂತಾರದಲ್ಲಿ ಎರಡು ಕಡೆ ಮೂಗುತಿ ಹಾಕಿ ಸಪ್ತಮಿಗೌಡ ಫುಲ್ ಫೇಮಸ್ ಆಗಿದ್ದೇ ಆಗಿದ್ದು, ಈಗ ಮಾರುಕಟ್ಟೆಗೆ ಧಾವಿಸುತ್ತಿರುವ ಮಹಿಳೆಯರು ಕಾಂತಾರ ಮೂಗುತಿ ಇದೆಯಾ ಅಂತ ಕೇಳುತ್ತಿದ್ದಾರೆ. ಈ ನಡುವೆ ಒಂದೆಡೆ ಚಿನ್ನಡ ಬೆಲೆ ಗಗನಕ್ಕೇರಿದೆ, ವಜ್ರದ ರೇಟ್ ಕೇಳಿ ಮಾರುದ್ದ ಓಡೋದೇ ಜಾಸ್ತಿ. ಹೀಗಿರುವಾಗ ಮಾರುಕಟ್ಟೆಯಲ್ಲಿ ಕಾಂತಾರ ಮೂಗುತಿಯದ್ದೆ ಕಾರುಬಾರು ನಡೆಯುತ್ತಿದೆ. ಮಹಿಳೆಯರು ಹಳೆಯ ಸಂಪ್ರದಾಯಕ್ಕೆ ಫಿದಾ ಆಗಿರೋದು ಸದ್ಯ ಸಂತಸದ ವಿಚಾರವಾಗಿದೆ.
