ಧೋನಿ ಅಂದರೆ ವಿಶೇಷ ಅಭಿಮಾನ.. ಕೋಟ್ಯಾಂತರ ಅಭಿಮಾನಿಗಳ ಹೃದಯದಲ್ಲಿ ನೆಲೆಸಿದ್ದಾರೆ. ಮೈದಾನದ ಪೆವಿಲಿಯನ್ನಲ್ಲಿ ಕೂತ ವೀಕ್ಷಕರು ‘ಧೋನಿ, ಧೋನಿ’ ಅಂದರೆ ಸಾಕು ಮೈಯೆಲ್ಲ ರೋಮಾಂಚನ.. ಅದೇಷ್ಟೇ ಹೇಟರ್ಸ್ಗಳಿದ್ದರೂ ಅವರನ್ನೂ ಪುಳುಕಿತರಾಗುವಂತೆ ಮಾಡುತ್ತದೆ. ಅಷ್ಟರ ಮಟ್ಟಿಗೆ ಇದೆ ಧೋನಿಯ ಚರಿತ್ರೆ.
ಬಹುಶಃ ಐಪಿಎಲ್ ಸುದ್ದಿ ಎಲ್ಲಿಯೇ ಚರ್ಚೆಗೆ ಬಂದರೂ ಧೋನಿ ಹೆಸರು ಬರದೇ ಅಂತ್ಯಗೊಂಡಿದ್ದೇ ಇಲ್ಲವೇನೋ!!
ಮೈದಾನದಲ್ಲಿ ಶಾಂತವಾಗಿಯೇ ‘ವಿನ್ನಿಂಗ್ ಗೇಮ್’ ಆಡುವ ಧೋನಿಯನ್ನು ‘ಕ್ಯಾಪ್ಟನ್ ಕೂಲ್’ ಎಂದು ಬಣ್ಣಿಸಲಾಗುತ್ತದೆ. ಕಳೆದ ಐಪಿಎಲ್ ಆವೃತ್ತಿಯಲ್ಲಿ 9ನೇ ಸ್ಥಾನದಲ್ಲಿದ್ದ ಸಿಎಸ್ಕೆ ಈ ಬಾರಿ ಫೈನಲ್ ಪ್ರವೇಶ ಮಾಡಿದೆ. ಇದರ ಹಿಂದೆ ಧೋನಿಯ ಸಾಹಸ ಬಲು ರೋಚಕ. ಇಂದು 2023ರ ಐಪಿಎಲ್ ಆವೃತ್ತಿಗೆ ತೆರೆಬೀಳಲಿದೆ.
ಅದು, ಸಿಎಸ್ಕೆ ಮತ್ತು ಗುಜರಾತ್ ತಂಡಗಳು ಸೆಣಸಾಡುವ ಮೂಲಕ. ಇಲ್ಲಿ ಯಾರು ಗೆಲ್ಲುತ್ತಾರೋ ಅವರು ಐಪಿಎಲ್ ಟ್ರೋಫಿಗೆ ಮುತ್ತಿಡಲಿದ್ದಾರೆ.
ಇನ್ನು ಪಂದ್ಯ ಆರಂಭಕ್ಕೂ ಮೊದಲು ಮಿಸ್ಟರ್ ಕೂಲ್ ಕ್ಯಾಪ್ಟನ್ಗೆ ಬಿಸಿಸಿಐ ವಿಶೇಷ ಗೌರವನ್ನು ಸಲ್ಲಿಸಿದೆ.
ಮಹೇಂದ್ರ ಸಿಂಗ್ ಧೋನಿಗೆ ಸಂಬಂಧಿಸಿದ ವೀಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದೆ. ಧೋನಿ ಅಂದರೆ ಕ್ರಿಕೆಟ್ ಅಭಿಮಾನಿಗಳಿಗೆ ಇರುವ ಅಭಿಮಾನ, ಕ್ರೇಜ್ ಎಲ್ಲವನ್ನೂ ಈ ವೀಡಿಯೋದಲ್ಲಿ ತೋರಿಸಲಾಗಿದೆ. ಭಾವನಾತ್ಮಕ ವೀಡಿಯೋ ಇದಾಗಿದ್ದು, ವೀಕ್ಷಕರನ್ನು ರೋಮಾಂಚನಗೊಳಿಸುತ್ತದೆ.