ಸೋಶಿಯಲ್ ಮೀಡಿಯಾ ಇತ್ತೀಚೆಗೆ ಹೇಗೆ ಆಗಿದೆ ಅಂದ್ರೆ ಊಟ ಮಾಡಿದ್ದು, ತಿಂಡಿ ತಿಂದಿದ್ದು, ಸೇರಿ ಮನೆಗೆ ತರೋ ವಸ್ತುಗಳನ್ನೂ ಪೋಸ್ಟ್ ಮಾಡೋ ಪ್ಲಾಟ್ಫಾರ್ಮ್ ಆಗಿದೆ. ಹೀಗೆ ತಮ್ಮ ಪರ್ಸನಲ್ ಅಪ್ಡೇಟ್ ಅನ್ನ ಸೋಶಿಯಲ್ ಮಿಡಿಯಾದಲ್ಲಿ ಪೋಸ್ಟ್ ಮಾಡಿದ ಮನೆಯನ್ನೇ ಕಳ್ಳರು ದೋಚಿದ್ದಾರೆ. ಅದು ಬೇರೆ ಯಾರ್ ಮನೆಯೂ ಅಲ್ಲ ರಾಕ್ಲೈನ್ ವೆಂಕಟೇಶ್ ಸಹೋದರನ ಮನೆ.
ಫೇಸ್ಬುಕ್, ವಾಟ್ಸ್ಆ್ಯಪ್, ಇನ್ಸ್ಟಾಗ್ರಾಮ್ ಈಗ ನಮ್ಮ ಭಾವನೆಗಳನ್ನ ಶೇರ್ ಮಾಡಿಕೊಳ್ಳುವ ಒಂದು ಪ್ಲಾಟ್ಫಾರ್ಮ್ ಆಗಿದೆ. ಅಲ್ಲಿ ಸಿಗೋ ಕಮೆಂಟ್, ಲೈಕ್ ಅನ್ನು ರಿಯಲ್ ಖುಷಿ ಅನ್ಕೊಂಬಿಟ್ಟಿದ್ದಾರೆ.
ಖತರ್ನಾಕ್ ಕಳ್ಳರು ಇದನ್ನೇ ಬಂಡವಾಳ ಮಾಡ್ಕೊಂಡಿದ್ದಾರೆ. ಅದಕ್ಕೆ ಈ ಘಟನೆಯೇ ಬೆಸ್ಟ್ ಎಕ್ಸಾಂಪಲ್.
ಯುರೋಪ್ ಟ್ರಿಪ್ ಹೋಗಿದ್ದ ರಾಕ್ ಲೈನ್ ವೆಂಕಟೇಶ್ ತಮ್ಮನ ಮನೆಯಲ್ಲಿ ಕಳ್ಳತನ ನಡೆದಿದೆ. ಅಷ್ಟಕ್ಕೂ ಯೂರೋಪ್ ಟ್ರಿಪ್ ಹೋಗಿರೋ ಬಗ್ಗೆ ಮಾಹಿತಿ ಹೇಗ್ ಲೀಕ್ ಆಯ್ತು ಗೊತ್ತಾ? ಫೆಸ್ಬುಕ್ನಲ್ಲಿ ಹಾಕಿದ್ದ ಅದೊಂದು ಪೋಸ್ಟ್.
ಹೌದು, ರಾಕ್ ಲೈನ್ ವೆಂಕಟೇಶ್ ತಮ್ಮ ಭ್ರಮರೇಶ್ ಕುಟುಂಬಸ್ಥರು ಯುರೋಪ್ಗೆ ಹೋಗಿದ್ದ ಪೋಸ್ಟ್ ಅನ್ನ ಫೇಸ್ಬುಕ್ನಲ್ಲಿ ಶೇರ್ ಮಾಡಿದ್ರು. ಇದನ್ನು ಗಮನಿಸಿದ ಕಳ್ಳರು ಮನೆಗೆ ನುಗ್ಗಿ ಚಿನ್ನಾಭರಣ, ನಗದು ದೋಚಿದ್ದಾರೆ.
ಮಹಾಲಕ್ಷ್ಮೀ ಲೇಔಟ್‌ನಲ್ಲಿರುವ ರಾಕ್ಲೈನ್ ವೆಂಕಟೇಶ್ ಸಹೋದರನ ಮನೆಯಲ್ಲಿದ್ದ 5 ಕೆ.ಜಿ. ಚಿನ್ನಾಭರಣ ಹಾಗೂ ನಗದು ಕಳ್ಳತನವಾಗಿರುವ ಬಗ್ಗೆ ಮಹಾಲಕ್ಷ್ಮೀ ಲೇಔಟ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಅವರ ಮನೆಯ ಪಕ್ಕದಲ್ಲಿ ನಿರ್ಮಾಣ ಹಂತದ ಕಟ್ಟಡವಿತ್ತು. ಈ ಕಟ್ಟಡದಿಂದ ಭ್ರಮರೇಶ್ ಮನೆಗೆ ಜಂಪ್ ಮಾಡಿ ಕಳ್ಳತನ…ಮಾಡಿರುವುದು ಪ್ರಾಥಮಿಕ ತನಿಖೆಯಲ್ಲಿ ಬೆಳಕಿಗೆ ಬಂದಿದೆ.
ಸದ್ಯ, ಸಿಸಿಟಿವಿ ಪರಿಶೀಲನೆ ನಡೆಸುತ್ತಿರುವ ಪೊಲೀಸರು ಆರೋಪಿಗಳಿಗಾಗಿ ಬಲೆ ಬಿಸಿದ್ದಾರೆ. ಈ ಘಟನೆ ಒಂದು ಪಾಠ ಇನ್ನಾದರೂ ನಿಮ್ಮ ಪರ್ಸನಲ್ ಅಪ್ಡೇಟ್ಸ್ನ ಸೋಶಿಯಲ್ ಮಿಡಿಯಾದಲ್ಲಿ ಶೇರ್ ಮಾಡುವ ಮುನ್ನ ಒಮ್ಮೆ ಯೋಚಿಸಿ.